Oh, I am come to the low countrie

Och, on, Och, on, Och, rie

Wi-oot a penny in my purse

Tae buy a meal tae me.

It was nae sae in the Heelan hills

Och, on, Och, on, Och, rie

Nae wimman in the kintra wide

Sae happy was as me.

Fir then I had a score o kye,

Och, on, Och, on, Och, rie

Feedin’ on yon hill sae high

An givin milk tae me.

And there I had three score o yows

Och, on, Och, on, Och, rie

Skippin on yon bonnie knowes

An castin woo tae me.

I was the happiest o’ a’ the Clan

Sair, fair may I repine

For Douglas was the brawest man

And Douglas he was mine.

Til Charlie Stewart cam at last

Sae far tae set us free

My Douglas’ arm was wanted then

Fir Scotland and fir me.

Their waefu fate what need I tell

Right to the wrong did yield

My Douglas and his Kintra fell

Upon Culloden field.

Och, on, Och,on, O Douglas, Oh!

Och, on, Och, on, Och, rie

Nae wimman in the warld wide

Sae wretched noo as me.

Nae wimman in the warld wide

Sae wretched noo as me.