Ae Witsun fair in Huntly toun, ʼtwas there I did agree,
Wi auld Bogieside o Cyairney, a saxmonth fir tae fee;
Tae caw his twa best horses, tae cart an herry an ploo
Or dee onything aboot fairmwark that I verra well could do.
Noo, Bogie had a dochter; her name was Eye-sabell
She’s the lily o’ the valley and the primrose o’ the dell
And when she went ow walkin’, she taen me fir her guide
Doon by the burn o’ Cyarnie, tae watch sma’ fishes glide
Though weel I kent I wasnae match for Bogie’s bonnie Belle,
When eer she turned her een on me, she fairly cast a spell;
I tried in vain tae keep awa when it cam tae eventide,
But in ma dream, I’d wander till we met on Bogieside.
Noo sax lang months had passed and gane, this lassie’s lost her bloom
The red fell fae her rosy cheeks, her tears came tumblin’ doon
Twas jist afore the term time, auld Bogie sent for me,
Wi face as black as nicht, he said, “It’s you I want tae see.”
Says I, “Aul man ye’re fairly richt.” An hung my heid in shame.
“But I will mairry Belle the morn an gie the bairnie my name.”
I took my own son in my arms, may he bring to me much joy,
An may he mean as much to me, as the girl that I adore.
Although I said I’d wad the lass, but oh, that wouldny dae
Y”e’re nae a match fir my wee Bell, she’s nae a match for ye
it’s doun the road ye’ll gang, Bogie said, wi oot a penny o yer fee.”
So a’ ye lads o’ Huntly side, a lang fareweel tae ye.
Noo she’s married tae a tinker chap, wha’comes fae Huntly toon,
Wi’ pots and pans and parrafin lamps, he tramps the country ‘roon.
An maybe she’s found a better match, aul Bogie canna tell
But I was first tae win the heart o’ Bogie’s Bonnie Belle.
https://mainlynorfolk.info/june.tabor/songs/bogiesbonniebelle.html