Oh, ma name is Betty Seagrave and fae Burnbank toun I came,
The collieries are closin’ sae I hae tae leave ma hame;
The collieries are closin’ noo I maun gyang awa,
And leave the bonnie hills an dales o Caledonia.

Twis early in the mornin, afore the dawn o day
My mither she come roon tae me and untae me did say;

_{Arise my bonnie dochter, arise the ship does call,}

_{This is the day that ye maun stray fae Caledonia}

_{We board the Metagama and oor hairts are fuull o grief,}

_{My mither, freens and sister could grant us nae relief;}

_{My faither, freens and brither, their hairts were broke in twa,}

_{Tae see me leave the hills and dales o Caledonia.}

_{Fair weel my aged mither, I’m grieved tae leave ye noo}

_{I hope ye ken I’m grateful fir all that ye do;}

_{I hope ye ken I’ll miss ye fen I am far awa,}

_{Far frae aw the hills and dales o Caledonia.}

_{Fair weel my honest faither, ye are the best o men,}

_{Likewise my wee sweet sister, it’s Margaret is her name;}

_{Nae mair we’ll walk by Clyde’s clear streams or by the Broomielaw,}

_{Nor see again the hills and dales o Caledonia.}

_{If we nivver meet on earth again, ah’ll keep ye in my hairt,}

_{Three thoosand miles o’ churnin’ sea can nae keep us apart}

_{Ye’ll be wi me firever, though I gyang sae far awa;}

_{Our hairts sae near, ye’ll l hear me sing, in Caledonia.}

_{Our hairts sae near, you’ll hear me sing, O Canada.}